Azərbaycan Kommunist Partiyası (AKP) ölkəmizdə keçiriləcək prezident seçkilərində öz namizədi ilə iştirak etməyəcək. Bu barədə Modern.az saytına partiya sədri Rauf Qurbanov məlumat verib. Onun sözlərinə görə, kommunistlər başqa bir namizədi dəstəkləyəcəklər:
“Kommunist Partiyası seçkilərdə aktiv iştirak edəcək. Seçki məntəqələrinə müşahidəçi qismində öz nümayəndələrimizi təyin edəcəyik. O ki qaldı Kommunist Partiyasının hansı namizədi dəstəkləməyinə, partiya üzvləri təkidlə mənim namizədliyimi dəstəkləyirdilər, ümumi qərarla biz öz namizədimizlə seçkiyə qatılmaqdan imtina etdik. Biz daha layiqli namizədə dəstəyimizi verəcəyik”.
R.Qurbanon Milli Şuranın vahid namizədi Cəmil Həsənlinin namizədliyini dəstəkləyə biləcəkləri də istisna etməyib.
“Mən əvvəlcədən fikir söyləmək istəmirəm. Qoy, bu sürpriz olaraq qalsın. Bu məsələ münasibət bildirəcəyik”.
Anar RÜSTƏMOV
