Milli Şura sədri Rüstəm İbrahimbəyovun təklifi ilə vahid namizədin təşviqatı üçün “1 manat” aksiyasına start verilib. Modern.az-ın məlumatına görə, Milli Şuranın prezidentliyə namizədi Cəmil Həsənlinin adına artıq bank hesabı açılıb.
Bu hesab sırf prezident seçkiləri ilə bağlıdır. Milli Şuranın sədrinin təklif etdiyi "1 manat" kampaniyası çərçivəsində toplanan ianələr də bu hesaba köçürüləcək. Toplanılan ianələr Milli Şuranın prezident seçkilərində vahid namizədinin təbliğat-təşviqat kampaniyasına yönəldiləcək.
“Bütün ianəçilərə xərclənən pullar barədə məlumat veriləcək. Milli Şura vahid namizədinin təbliğatı və qələbəsinin təmin edilməsi prosesində yalnız və yalnız Azərbaycan xalqına güvənir. Cəmil Həsənlinin bank hesabı avqustun 31-dən açıqdır”-deyə Milli Şura bəyan edib.
Milli Şura bank hesabını Beynəlxalq Bankda açıb.
Anar RÜSTƏMOV
