“El” Hərəkatını Ali Məclisinin sədri Eldəniz Quliyevin prokurorluqda dindirilməsi təxirə salınıb. Bu barədə Modern.az saytına E.Quliyev özü məlumat verib.
E.Quliyevin sözlərinə görə, Baş Prokurorluqdan ona zəng edərək bu gün üçün nəzərdə tutulan dindirilmə prosesinin başqa vaxta salındığı bildirilib.
“Bu gün üçün mən ifadə verməli idim. Zəng vurub bildirdilər ki, dindirilmə bu gün üçün təxirə salınıb. Özlə bildirdilər ki, mənimlə əlaqə saxlayıb nə zaman çağırılacağını özləri deyəcəklər”.
Qeyd edək ki, “EL” hərəkatının rəsmiləri Eldar Namazov, Köçəri Nağıbəyli və Eldəniz Quliyev Əflan İbrahimovun şikayəti üzrə Baş Prokurorluğa çağırılıblar.
Anar RÜSTƏMOV
