Gənclər və İdman Nazirliyinin 2013-cü ilin yanvar-avqust aylarındakı fəaliyyətinə həsr olunmuş mətbuat konfransı keçrilib. Modern.az xəbər verir ki, konfransda çıxış edən nazir Azad Rəhimov Gənclər və İdman Nazirliyində görülən işlərlə bağlı hesabat verib.
Nazir bildirib ki, 2013-cü il yanvar-avqust aylarında nazirlik tərəfindən 90-dan artıq tədbir həyata keçirilib. Bu tədbirlərdə 200 mindən çox gənc, eyni zamanda 50 ölkədən 100-ə yaxın gənc iştirak edib. 200-dən çox azərbaycanlı isə xaricdə keçirilən tədbirlərdə iştirak edib.
“Bu zaman zərfində 4 televiziya layihəsi hazırlanıb. 3 yeni televiziya layihəsi də artıq hazırlanır. Bu ayda bəzilərini ekranda görəcəksiniz. Düşərgələrin təşkilində işləri davam etdiririk. Son 10 il ərzində gənclər isyasəti sahəsində büdcə 100 dəfəyədək artıb". Nazir eyni zamanda gənclər infrastrukturunun yaxşılaşdırılması istiqamətində yeni layihəyə start verildiyini deyib. “Bu il müxtəlif bölgələrdə 19 gənclər evi açılıb. 3 il ərzində bunların sayı 2 dəfədən çox artacaq. Nazirliyin mühüm iş istiqamətlərindəın biri QHT-lərlə əməkdaşlıqdır”.
A.Rəhimov həmçinin bildirib ki, 2003-ci illə müqayisədə gənclərlə bağlı layihələrin sayı artıb. “Bu sahədə 2003 illə müqayisədə layihələrin sayı 25 dəfə artıb. 197 min tələbəyə 30 ölkədə 120-130 min vahid tələbə kartı paylanılıb. Bizim gənclər sahəsində fəaliyyətimiz 4 prinsiplə aparılır: davamlılıq, yeniliçilik, uğurlu layihələrin təkmilləşdirilməsi, yeni təhsil vasitələrinin axtarışı.
Nazir qeyd edib ki, bu il 71 gənclər təşkilatına 1 milyon 5 yüz min manat qrant ayrılıb. “Gənclərlə iş sahəsində hər il xaricdə də işrlər davam etdirilir. Romada keçrilən forumda 500-dən çox müəllim və tələbə iştirak edib. Gənc alimlər arasında elmi araşdırmalar aparılır”.
Azad Rəhimov qeyd edib ki, bu il prezident seçkilərində 600 min gənc ilk dəfə səsə verəcək. “Gənclərin seçkilərdə iştirak etməsi bizim üçün çox vacibdir. Əsas məqsəd maarifləndirmə işləri aparmaq, seçki məntəqələrinə gətirməkdir. Bununla bağlı yeni çağırış rolikləri hazırlanır və bunları ekranda yaxıln vaxtlarda görəcəksiniz”.
Aytən Əliyeva
