Bakı Metropoliteninin “Avtovağzal” stansiyasının tikintisi ilə bağlı həmin ərazidə yerləşən 39 ev söküləcək. Binəqədi rayonu ərazisində yerləşən həmin evlərin sakinləri isə onlara kompensasiyanın verilməyəcəyi qorxusu ilə yaşayırlar.
Binəqədi rayon İcra Hakimiyyətinin ictimai-siyasi şöbənin müdiri Aqil Eyvazov Modern.az-a bildirib ki, sakinlərinin köçürülməsinə hələ başlanılmayıb. Hazırda onların sənədlərinin vəziyyəti öyrənilir.
Qeyd edək ki, Bakı Metropoliteni yeni “Avtovağzal” stansiyasının tikintisi ilə bağlı işləri yekunlaşdırılır. Hazırda stansiyada üzlükvurma işləri aparılır. Gələn ilin əvvəlindən isə qatarların test hərəkəti başlayacaq. 2014-cü ildə “Avtovağzal” stansiyası istismara veriləcək.
Gültəkin ƏLƏSGƏR
