Ərgin Avşar 1966-cı ildə Güney Azərbaycanın Təbriz şəhərində anadan olub. Orta məktəbi Güneydə bitirəndən sonra Quzeyə üz tutur. Burda Bakı Dövlət Universitetinin filologiya fakültəsinə daxil olur. Bakalavr pilləsini bitirəndən sonra yenidən Təbrizə qayıdır və ixtisası üzrə master pilləsinə daxil olur. Şairin Şimali Azərbaycanla da əlaqələri var. Şimalın bir sıra ədəbi, mədəni və elm xadimləri ilə qarşılıqlı dostluq əlaqələrini qoruyub saxlayır. Sevdiyi şairlər sırasında Məhəmmədhüseyin Şəhriyarı və Aşıq Veysəli göstərmək olar.
Modern.az “Cənub ədəbiyyatı” layihəsində Ergin Avşarın bəzi şeirlərini sizlərə təqdim edir:
Dərd
Böyük dərddir,
Yarımçıqlar arasında,
Bütövlük!
Baxış
Uçmağı bilməyənlərin,
gözündə
Yüksəlmək
Kiçilməkdir.
***
Bar
Quruluqdan çox inlədi
Susuz topraq
Kimsə dinləmədi,
Bir ovuc su çiləmədi.
Çarəsiz tikanlar bitirdiyində,
Çöplərin də danlağına qaldı.
***
Əlifba
Hansısa ulusun dili
Beş, altı əlifba ilə yazılır?
Mənim xalqımın da
Acısı, sevgisi
Bir, iki əlifbaya sığmayır.
***
Dayaq
Tülkü satıldı,
Aslana döndü.
***
Yeni şeir
Hava ;
qartallar uça bilməz qədər çənli.
Bir yeni şeir,
söyləməliyəm.
***
Ay da
Ay da ;
Susuz,
Arxın qırağında-
kökü yerdə,
gözü ildırımda.
***
Şeir
Bu fırtınalı çağlarda,
Şeir-
çətir. bir
Deyən mən, dinləyən sən.
Ah, nə qədər
qəribiz,
biz ikimiz.
***
Gülün könlü
Erkən solması üçün
Qınayırsan gülü,
Gülün könlü
daşdanmı?
***
Yağmur
Boşuna can atır,
Yağmurun həbsinə
bulut,
Anı yetincə,
yağacaq bu yağmur.
***
Tanış
Yenə qış
son nəfəsini dərir.
Belə çabalar mənə
çox tanış gəlir...
***
Güzgü
Çənlər köçəcək,
Sən güzgünü
duru saxla.
***
Gəbə
Bu qasırqa,
Bir aşinaya,
gəbədir.
Gözümüz aydın,
gec-tez doğacaq.
***
Bilgin
Sozalan şam,
Günəşin qüsurundan
danışır.
***
Vəhm
Qız
qalasının,
Ardında gizlənən,
Təpəgöz,
Hələ də məni qorxudur.
***
Köçəri
Dedin qarşıla məni,
gələcəyəm.
İndi də hər gün,
ayaqlarının səsini.
əbədi olaraq duymayan,
yolları qarşılayıram.
***
Dərs
Sevilməyi düşünmə,
Sevməyi öyrən.
***
Can atmaq
Mənim ucalığımı
görə bilməyən alçaqların
ayaq barmaqlarının
günahı nə?
***
Eniş
Divardan asılmış
bir qılınc gördüm,
Tülkülər sevinsin,
Çaqqallar bayram eləsin!
***
Tanış
Yenə qış
son nəfəsini dərir,
belə çabalar mənə,
çox tanış gəlir.
***
Realist
Mən realist biriyəm,
Oğlumu
faşist böyüdürəm.
***
Anılar
Ayrılanda,
Üzülüb, özlədiyini
söyləyirsən,
Əminəm,
anıların özlətməz səni!
***
Qısqanc
Balaca qara balıq
düşünürdü:
Dayaz sularda çabalayan
Zavallı naqqaların halını!
***
Egemenlik
Bir çox bülbül sevər gülü,
Ancaq,
gülün könlünə
ən gözəl sözlərlə
Toxunan bülbül
yiyələnə bilər.
***
Şəfəqqətli
Yeli görüncə
yapraqları oxşayır
Şəfəqətli əsin,
Gönlündə sə,
Qasırğa olmaq
özləmi yox.
***
Ağıllı qartal
Gəncliyini
gümanlar içində itirmiş,
Göydə,dumanlar arasında
axtarır,
Qoca qartal!
***
Saflıq
İstəməsən görməzsən,
Açıq gözlərlə də
sevilməz
olayları!
***
Daha yey
Ürəyi nifrətlə,
dolu olan çaqqalın
Dodağında qurulan
süni gülüşlər
Nə dədər gülməli!
Qarğalar
öz yerişlərini yerisələr,
daha yey!
Hazırladı: Elmin NURİ
