Azərbaycan Respublikasının Prezidenti İlham Əliyev sentyabrın 4-də cənub bölgəsinə səfəri çərçivəsində Salyan rayonuna gedib.
Modern.az-ın məlumatına görə, dövlət başçısı əvvəlcə rayonun mərkəzində Heydər Əliyevin abidəsi önünə gül dəstəsi qoyub.
Daha sonra Prezident İlham Əliyev Salyanda Bayraq Meydanında yaradılan şəraitlə tanış olub. Ölkə başçısı meydanın ərazisindəki istirahət parkını gəzib. O, meydanda yaradılan şəraitlə tanışlıqdan sonra müvafiq tapşırıqlarını verib.
***
Sentyabrın 4-də Azərbaycan Respublikasının Prezidenti İlham Əliyev Salyana səfərini başa çatdıraraq Biləsuvar rayonuna gedib.
Dövlət başçısı əvvəlcə rayondakı Heydər Əliyev abidəsini ziyarət edərək önünə gül dəstəsi qoyub.
Biləsuvar rayon İcra Hakimiyyətinin başçısı Mahir Quliyev yeni salınan Heydər Əliyev parkında görülmüş işlər barədə Prezident İlham Əliyevə məlumat verib. Bildirib ki, ümumi sahəsi 2 hektar olan parkda genişmiqyaslı yaşıllaşdırma işləri görülüb, 4 müasir fəvvarə kompleksi tikilib, işıqlandırma sistemi quraşdırılıb, Bayraq Kompleksi inşa olunub.
Prezidentin səfəri davam edir...
