Modern.az

2015-ci ilədək Azərbaycana 1200 böyük avtobus və 2 min taksi gətiriləcək

2015-ci ilədək Azərbaycana 1200 böyük avtobus və 2 min taksi gətiriləcək

4 Sentyabr 2013, 13:13



Yaxın illərdə Azərbaycana 1200 ədəd sərnişin avtobusu, 2000 ədəd taksi gətiriləcək. Bu avtomobillərin 2015-ci ildə Azərbaycanda keçiriləcək I Avropa Yay Olimpiya Oyunlarına qədər gətirilməsi planlaşdırılır.

Nəqliyyat Nazirliyinin mətbuat xidmətinin rəhbəri Namiq Həsənov Modern.az-a açıqlamasında bildirib ki, yeni avtomobil partiyasının idxalı ilə tələbat tam ödəniləcək. Əvvəllər ictimai nəqliyyat vasitələri Belorusdan və Almaniyadan gətirilib. Amma indi əsasən Cənubi Koreya və Türkiyədən gətirilir”.  

İctimai Nəqliyyatda kart sisteminə keçidlə bağlı məsələyə də toxunan nazirlik nümayəndəsi bildirib ki, proses sentyabr ayında başlayacaq. Karst sistemi ilk olaraq 1000-ə yaxın avtobusda tətbiq olunacaq.

“Artıq 1000-ə yaxın avtobusda validatorlar quraşdırılıb. Birinci mərhələdə 1000 avtobusun kart sisteminə keçirilməsi nəzərdə tutulub. Proses 2013-2014-cü illəri əhatə edəcək”

Qeyd edək ki, bu ilin yanvar-iyun aylarında paytaxta 340 ədəd yeni sərnişin avtobusları gətirilib. Son 5 il ərzində isə ölkəyə 3471 ədəd yeni iri və orta tutumlu avtobuslar idxal olunub.

 

Gültəkin ƏLƏSGƏR

Youtube
Kanalımıza abunə olmağı unutmayın!
Keçid et
Rusiyadan hücum - Bu dəfə Türkiyəni vurdular