Suriya böhranı ilə bağlı qarşılıqlı ittihamlar, hədələr səngimək bilmir. Modern.az-ın məlumatına görə bu dəfə Suriya xarici işlər nazirinin müavini Faysal -Əl- Mikdat sensassion açıqlama ilə gündəmə gəlib. O bildirib ki, ABŞ hərbi müdaxilə edərsə, Suriya İsrail, İordaniya və Türkiyəni də vuracaq. Suriya rəsmisi qeyd edib ki, müharibə başlayarsa prosesləri heç kim idarə edə bilməyəcək. “Suriyaya müdaxilənin bölgədə xaos yarada biləcəyinə inanırıq”-deyən Əl-Mikdat İordaniya amilinə də toxunaraq əlavə edib ki, hərbi əməliyyatlara bu ölkədən start verilsə rəsmi Amman da çox böyük fəlakətə düçar olacaq.
Qeyd edək ki, Bəşər Əsəd qüvvələrinin müxalifətçilərə qarşı kimyəvi silahdan istifadə etməsi ilə bağlı səslənən iddialar Qərbin Suriyaya hərbi müdaxilə məsələsini aktuallaşdırıb.
Aqşin Kərimov
