Bu gün Bakı Apellyasiya Məhkəməsində sabiq deputat, Milli Şuranın üzvü Gültəkin Hacıbəylinin keçmiş qayınanası Nəhayət Məmmədovaya qarşı apellyasiya şikayətinə baxılıb. APA-nın məlumatına görə, prosesdə qərar elan olunub. Qərara əsasən, apellyasiya şikayəti təmin edilməyib.
Qeyd edək ki, sabiq deputatın qayınanası Nəhayət Məmmədova keçmiş gəlinindən 50 min ABŞ dolları təzminat tələb edir. N. Məmmədova iddia ərizəsi ilə əvvəlcə Nəsimi Rayon Məhkəməsinə müraciət edib. Məhkəmə iddianı təmin edib. Bu qərarla razılaşmayan G. Hacıbəyli Bakı Apelyasiya Məhkəməsinə müraciət edib.
Nəhayət Məmmədovanın oğlu Mahmud Mehdiyevlə G.Hacıbəyli boşanıblar. N.Məmmədovanın tələb etdiyi pulun isə vaxtilə G.Hacıbəyli tərəfindən borc kimi alındığı bildirilir. Sabiq deputatla keçmiş həyat yoldaşı arasında uzun müddətdən bəri davam edən ailə münaqişəsi var. M. Mehdiyev G. Hacıbəylini oğlunu onun əlindən almaqda ittiham edir.
Modern.az
