Lalə Şövkətin lideri olduğu Azərbaycan Liberal Partiyası (ALP) Milli Şuranın dünənki iclasına qatılmaması haqda açıqlama verib. Modern.az-ın məlumatına görə, ALP sədri Əvəz Temirxan mətbuatda yayılan bəzi xəbərləri təkzib edərək sessiyada qatılmamalarının AXCP sədri Əli Kərimli ilə bağlı olmadığını deyib:
“Bəzi KİV-lərdə məlumat yayılıb ki, guya Liberal Partiya AXCP sədri Əli Kərimlinin sədrliyinə etiraz əlaməti olaraq Milli Şuranın sessiyasına qatılmayıb. Tam yalnış bir fikirdir. Əksinə, ALP son sessiyada məhz Əli Kərimlinin sədrlik etməsinin tərəfdarı olub. ALP-nin son sessiyada iştirak etməməsinin səbəbi tam başqadır. Nə Əli Kərimli, nə də AXCP ilə heç bir əlaqəsi yoxdur”- deyə partiya sədri bildirib.
Qeyd edək ki, Milli Şuranın sonuncu sessiyasına “El” hərəkatı ilə yanaşı ALP rəhbərliyi də qatılmayıblar. Partiya bunun səbəbini isə mətbuatdan gizli saxlamağa çalışır.
Anar RÜSTƏMOV
