Azərbaycan Respublikasının Prezidenti İlham Əliyev sentyabrın 4-də Biləsuvara səfərini başa çatdıraraq Cəlilabad rayonuna səfər edib.
Dövlət başçısı əvvəlcə Cəlilabad şəhərinin mərkəzindəki Heydər Əliyev Parkında mərhum prezidentin abidəsi önünə gül dəstəsi qoyub.
Cəlilabad Rayon İcra Hakimiyyətinin başçısı Əziz Əzizov parkda aparılan abadlıq-quruculuq işləri barədə Prezident İlham Əliyevə məlumat verib.
Bildirilib ki, burada yenidənqurma işlərinə bu ilin mayında başlanılıb. İşlər qısa müddətdə yüksək keyfiyyətlə başa çatdırılıb.
Prezident İlham Əliyev daha sonra Cəlilabadda “Fidan” körpələr evi-uşaq bağçasının açılışında iştirak edib.
Modern.az
