2013-cü ilin avqust ayında respublikanın avtomobil yollarında 207 yol-nəqliyyat hadisəsi baş verib. Modern.az-ın Daxili İşlər Nazirliyinin ay ərzində açıqladığı rəsmi məlumatlara əsasən apardığı hesablamalara görə, ötən ay yol qəzaları nəticəsində dünyasını dəyişənlərin sayı 110 nəfər olub. 232 nəfər müxtəlif dərəcəli xəsarətlər alıb. Avqustda daha çox itkiyə və xəsarətə səbəb olan qəzalardan biri ayın 3-də qeydə alınıb. Həmin gün respublika ərazisində baş verən 11 hadisə zamanı 14 nəfər ölüb, 15 nəfər yaralanıb. Avqustun 13-də qeydə alınan 12 yol-nəqliyyat hadisəsi nəticəsində 6 nəfər dünyasını dəyişib, 18 nəfər müxtəlif xəsarət alıb. Ayın 16-də isə baş verən 10 qəza zamanı 5 nəfər ölüb, 17 nəfər yaralanıb.
Modern.az
