Rusiyanın ev sahibliyi etdiyi “Böyük 20-lik” ölkələrinin zirvə toplantısı ABŞ-la Moskva arasında gərgin münasibətlərin fonunda başladı. Modern.az-ın türk mətbuatına istinadən verdiyi xəbərə görə, Obama ilə Putinin üz-üzə görüşmədiyi toplantıda maraqlı məqam gözdən yayınmayıb. Iddialara görə, ABŞ prezidenti rusiyalı həmkarının yanında oturmayaraq onun üçün əvvəlcədən müəyyən edilən yerdən imtina edib.
Zirvə toplantısında əsas müzakirə mövzusu Suriya məsələsi olub. Putin bu haqda toplantı çərçivəsində deyil, yemək masası arxasında danışmağı təklif edib.
Sərt müzakirələrin yaşandığı şam yeməyində Türkiyənin baş naziri Rəcəb Tayyib Ərdoğan dünya liderlərinə müraciət edərək Suriya ilə bağlı sərt addım atmağa çağırdı. Toplantıda ən sərt çıxış isə Obama tərəfindən edilib.
Ərdoğanın çağırışını alqışlayan Obama Rusiya prezidentinə xəbərdarlıq edib.
“Bu günə qədər Suriya məsələsini siyasi və diplomatik yollarla həll etməyə çalışdıq. Putin mənim kimi düşünmür ola bilər. Amma orada kimyəvi silahdan istifadə edilərək günahsız insanlar məhv edilir. Əlimizdə kifayət qədər faktlar var. Bunun bir cavabı olmalıdır. Əsədi müdafiə edən qüvvələr var. Orada insanları öldürən də Əsəddir. Artıq bu məsələyə müdaxilə etmək zamanıdır”.
Modern.az
