HƏMAS hərəkatı İsrail ərazisinə növbəti hücum dalğasını planlaşdırırdılar.
Modern.az xəbər verir ki, bu barədə Qərb və Yaxın Şərqdəki kəşfiyyat mənbələrinə istinadən "The Washington Post" nəşri yazıb.
Nəşrin mənbələri iddia edir ki, HƏMAS növbəti hücumun İsrailin güclü cavabına səbəb olacağına ümid edir. Bildirilir ki, bu hücum Yaxın Şərqdə ərəb ölkələrinin iştirakı ilə genişmiqyaslı münaqişəyə səbəb olacaq.
Məqalədə deyilir ki, hücumlar uğurlu olarsa, HƏMAS İsrailin dərinliklərinə doğru hərəkət edə və böyük şəhərləri vura bilər.
