Ermənistan mətbuatı 12 oktyabr 2020-ci il tarixində baş vermis döyüş barədə yazıb. Qeyd edilib ki, həmin tarixdə Füzuli rayonunun Cuvarlı kəndi ərazisində pusquya salınan “Tsor” qrupunun 20 nəfər döyüşçüsü Azərbaycan hərbçiləri tərəfindən məhv edilib.
Modern.az-ın məlumatına görə, döyüş barədə Ermənistan KİV-də şahid ifadələri dərc olunub. İfadələr göstərir ki, bu döyüş ermənilərin gözünü ciddi şəkidlə qorxudub.
Müharibə dayanandan bir neçə ay sonra - 2 aprel 2021-ci il tarixində məhv edilən erməni hərbçilərin qohumları Cuvarlı kəndinə gedərək, meyit qalıqlarının axtarılması işlərində iştirak ediblər. Onları Beynəlxalq Qızıll Xaç Komitəsi və Azərbaycan tərəfi müşayiət edib.
Xatırladaq ki, Cuvarlı kəndi 1993-cü ildə Ermənistan silahlı qüvvələri tərəfindən işğal olunmuşdu. Vətən müharibəsində düşmənə sarsıdıcı zərbə vuran Azərbaycan Ordusu kəndi oktyabrın 17-də işğalçılardan azad edib.
