Türkiyənin Diyarbəkirdə yerləşən ikinci Hava Qüvvətləri komandanlılğında bu gün səhər saatlarında təcili uçuşlar həyata keçirilib.
Modern.az türkiyə mətbuatına istinadən xəbər verir ki, Türkiyənin Suriyanın sərhəd bölgələrində şübhəli hərəkətlər qeydə alınıb. Bu səbəbdən də Türkiyə Hava Qüvvətlərinə məxsus 6 ədəd F-16 döyüş təyyarəsi təxirəsalınmaz tapşırlıqla Suriya ilə sərhədə yollanıb.Məlumata görə, təyyarələr sərhəd bölgəsinə kəşfiyyat məqsədilə göndərilsələr də hər hansısa gözlənilməz hadisə baş verərsə atəş açmaq əmri alıblar. Səhər saat 4-5 radələrindən indiyə kimi kəşfiyyat uçuşları davam edir.
Elçin MURAD
