Milli Məclisin Sosial Siyasət komitəsinin sədri, Siyasi elmlər doktoru Hadi Rəcəbli Lənkəranda silsilə görüşlər keçirib. Gənclər və İdman Nazirliyi artıq bir neçə ildir ki, regionların öyrənilməsi və təbliği ilə bağlı “Ölkəm Mənim” proqramını həyata keçirir. Çox böyük populyarlıq qazanan və əhəmiyyət kəsb edən bu proqrama uyğun olaraq respublikanın ayr-ayrı şəhərlərindən gəlmiş gənclər öz bölgələri haqda həmyaşıdlarına maraqlı məlumatlar verir və toplandıqları rayonun özəlliklərini öyrənərək bir-biri ilə dostlaşırlar. Bu dəfə cənub bölgəsində toplaşan gənclər respublikanın idmanda fərqlənən uşaqları idi.
Milli Məclisin deputatı məktəblilərə idmanın əhəmiyyətindən və onunla bağlı ölkəmizdə aparılan siyasətdən, ardıcıl tədbirlərdən ətraflı söhbət açıb. Millət vəkili qeyd edib ki, prezident İlham Əliyevin bilavasitə təşəbbüsü və gündəlik qayğısı nəticəsində rayon mərkəzlərində 40-a yaxın idman sağlamlıq kompleksləri tikilib, istifadəyə verilib.
“İdmançılar üçün hər cür şərait yaradılır. Dünya çempionatı qalibləri ən yüksək təltif və mükafatlara laiq görülürlər. Görüş zamanı yuxarı sinif şagirdləri söz verdilər ki, idmanı sevməklə yanaşı dərslərinədə diqqətlə yanaşacaq və yüksək qiymətlərlə orta məktəbi bitirəcəklər”.
***
Həmçinin bu günlərdə Lənkəranda Azərbaycan Respublikası Gənclər Təşkilatları Milli Şurasının keçirdiyi 5 günlük seminar, məşğələlərdə ölkəmizin 50 kiçik sahibkarı bir araya gəliblər. Gənc iş adamları sahibkarlıq faliyyətlərinin incəliklərini, işçi və işə götürən münasibətlərinin tənzimlənməsi məsələlərini, ölkəmizdə bu sahədə aparılan mütərəqqi idarə etmə forma və metodlarını geniş müzakirə edib.
Hadi Rəcəbli sosial rifah dövlətinin yaradılmasında orta təbəqənin formalaşmasının xüsusi əhəmiyyət kəsb etdiyini vurğulayaraq, burada kiçik sahibkarlığın yeri və rolundan ətraflı söz açıb. Deputat qeyd edib ki, pirioritet sahə olan kənd təsərrüfatı, emal, istirahət biznesi və turizmlə bağlı kiçik sahibkarlığa göstərilən qayğı və diqqət xüsusi ilə əhəmiyyətlidir. Təkcə bu sahələrin ardıcıl inkişafı nəticəsində ölkədə son on ildə 1250 min iş yeri yaradılıb.
Çıxış edən gənc sahibkarlar özəl bölümənin inkişafı üçün yaradılan münbit şəraitdən razılıqlarını ifadə ediblər. Burada bir həqiqət vurğulanıb ki, ardıcıl, təşəbbüskar, ölçü biçili iş aparan sahibkarlar daim uğur qazanırlar. Odur ki, gənclər seçkilərdə bu şəraiti onlar üçün yaradan prezident İlham Əliyevə səs verəcəklərini xüsusi vurğulayıblar.
***
Sentyabırın ilk günlərində Prezident yanında QHT-lərə dəstək şurasının xətti ilə Lənkəranda keçirilən 5 günlük seminar konfransda ölkənin 50-dən çox gənc QHT rəhbərləri toplaşıblar. Onlar QHT-lərlə bağlı ölkədə olan mövcud təcrübəni bölüşüb, açıq cəmiyyət inistitunun formalaşması sahəsində hər bir gənc vətəndaşın qarşısında duran vəzifələrdən danışıblar. Qeyd olunub ki, əvvəllər maliyyə dəstəyi tapa bilməyən bu qurumlar Qrant almaq xətrinə xarici havadarların istəyinə uyğun olaraq proqramlar həyata keçirir və beləliklə onların fəaliyyətinin ölkə üçün səmərəlilik faizi aşağı olurdu. Bəzən hətta bu təşəbbüslər ümumi işlərimizin əleyhinə olurdu. Hazırda möhtərəm prezidentimiz İlham Əliyev cənablarının təşəbbüsü ilə yaradılan bu dəstək qurumu tam şəffaf tenderlər həyata keçirir və qalib QHT-lər ölkəmiz üçün vacib sahələrə yönələn proqramlar üçün vəsait alırlar.
Milli Məclisin deputatı Hadi Rəcəbil QHT- lərin son 20 ildə əldə etdiyi uğurları xüsusi vurğulayaraq, keçilən bu yolda arxada qalan bir sıra çətinlikləri də unutmayıb. O bu sahədə olan hüquqi bazanın incəliklərini konfrans iştirakçılarına çatdıraraq, gənc fəallara rəy, təklif, və iradlarını da bildirməyi məsləhət görüb. Natiq ölkədə mövcud olan 3 mindən çox QHT –nin fəaliyyətini bütövlükdə təqdirə laiq hesab edib. O bildirib ki, bu gün QHT-lərdə 10 minlərlə əmək haqqı alan və ictimai əsaslarla çalışan gənc qız və oğlan çalışır.
Sevindirici haldır ki, bu fəallardan bir qismi Milli Məclisdə, icra strukturlarında rəhbər vəzifələrə irəli çəkiliblər. Bu qurumlar eyni zamanda gənclərin asudə vaxtının təşkilində də mühüm rol oynayırlar. Çıxış edən gənc QHT liderləri onlara göstərilən qayğıya görə prezident İlham Əliyevə öz dərin minnətdarlıq və razılıqlarını bildiriblər. Bir daha vurğulayıblar ki, seçkilərdə onlar ancaq İlham Əliyev cənablarına səs verəcəklər.
Modern.az
