Fövqəladə Hallar Nazirliyi paytaxtın Nəsimi rayonunda baş verən yanğınla bağlı rəsmi məlumat yayıb. Bildirilib ki, Bakı şəhəri, Nəsimi rayonunda vətəndaşa məxsus ikimərtəbəli ümumi sahəsi 60 kv.m (hər mərtəbəsi 30 kv.m) olan ticarət mərkəzinin 1-ci mərtəbəsində yerləşən mağazanın lambirdən ibarət tavanı 6 kv.m sahədə ərimiş, 2-ci mərtəbəsində yerləşən hazırda fəaliyyət göstərməyən taxta konstruksiyadan ibarət stomotoloji kabinetin yanar konstruksiyaları 30 kv.m sahədə yanıb.
Ticarət mərkəzinin qalan hissəsi və bitişik bina yanğından mühafizə olunub. Yanğın saat 11:40-da yanğınsöndürənlər tərəfindən söndürülüb.
Modern.az
