Rusiya xarici işlər naziri Sergey Lavrov suriyalı həmkarı Velid Muallimlə Moskvada görüşüb. Görüşdə ABŞ-ın hərbi müdaxilə qərarı çıxartdığı bir zamanda Rusiyanın Bəşşər Əsəd rejimi ilə yaranmış problemləri diplomatik yollarla müzakirə edilib.
Modern.az rus mətbuatına istinadən bildirir ki, görüş zamanı Rusiyanın məsələyə yanaşmasını qəti şəkildə izah edən S. Lavrov Suriyaya xaricdən hərbi müdaxiləyə icazə verilməyəcəyini diqqətə çatdırıb:“Rusiyanın mövqeyi regionda hər kəsə bəllidir. Burda sülhpərvər və diplomatik həlldən başqa alternativ yoxdur”
Görüş əsnasında Suriya naziri Muallim S.Lavrova B.Əsədin Rusiya prezidenti Vladimir Putinə Suriya hadisələrinin həllində tutduğu mövqeyə görə təşəkkürünü çatdırıb.
Elçin MURAD
