İndoneziyanın Şimali Maluku əyalətinin sahilində 6,2 maqnitudalı zəlzələ olub.
Modern.az xəbər verir ki, bu barədə Avropa – Aralıq dənizi Seysmoloji Mərkəzi məlumat yayıb.
Bildirilib ki, yeraltı təkanların episentri əhalisi təqribən 10 min nəfər olan Tobelo şəhərindən 89 km qərbdə yerləşib. Qeyd olunub ki, zəlzələnin ocağı 103 km dərinlikdə olub.
Tələfat və dağıntı barədə məlumat verilməyib. Sunami təhlükəsi elan olunmayıb.
