Sabah Bakı və Abşeron yarımadasında hava əsasən yağmursuz olacaq. Ekologiya və Təbii Sərvətlər Nazirliyinin Milli Hidrometeorologiya Departamentindən Modern.az-a verilən məlumata görə, sentyabrın 11-də hava dəyişkən buludlu arabir tutulacağı, gün ərzində əsasən yağmursuz olacaq. Mülayim şimal-qərb küləyi gündüz cənub-şərq küləyi ilə əvəzlənəcək.
Hava gecə 16-19, gündüz 21-25 dərəcə isti olacaq.
Azərbaycanın bölgələrində sentyabrın 11-də bəzi yerlərdə yağış yağacaq, şərq küləyi əsəcək. Havanın temperaturu gecə 15-20, gündüz 23-28, dağlarda gecə 6-11, gündüz 14-19 dərəcə isti olacaq.
Sərin hava şəraiti sentyabrın 13-dək davam edəcək.
Modern.az
