Bakıda Xəzərin hüquqi statusunun müəyyənləşdirilməsi üzrə işçi qrupun 33-cü görüşü başa çatıb. APA-nın xəbərinə görə, keçirilən mətbuat konfransında çıxış edən Azərbaycan xarici işlər nazirinin müavini Xələf Xələfov Xəzərin hüquqi statusu ilə bağlı təməl məsələlərin tezliklə razılaşdırılmasının və Xəzəryanı ölkələrin 3-cü sammitinin protokol qərarının icrasının əhəmiyyətini vurğulayıb. O, Bakı görüşünü uğurlu adlandıraraq hələlik bir sıra məsələlərin razılıq tələb etdiyini də söyləyib: “Bir sıra məsələlər var ki, onlar üzərində işləmək lazımdır, müəyyən fikir ayrılıqları hələ qalır”.
Bunu Qazaxıstan xarici işlər nazirinin müavini Kayrat Sarıbay Xəzərin hüquqi statusu ilə bağlı işçi qrupun Bakıda keçirilmiş 33-cü iclasını şərh edərkən bildirib.
Onun sözlərinə görə, görüş Rusiyada baş tutacaq: “Xəzərin hüquqi statusunun müəyyənləşdirilməsi üçün nazirlər səviyyəsində görüşün keçirilməsi vacibdir. Bu görüş 2014-cü ildə Rusiyada keçirilməsi planlaşdırılan növbəti Xəzər sammitinə hazırlıq prosesində mühüm mərhələ olacaq”.
Modern.az
