Vladimir Purin “New York Times” qəzetində çap olunan məqaləsində Amerika xalqına və siyasətçilərinə birbaşa müraciət edib. Modern.az xəbər verir ki, məqalədə rusiyalı prezident ölkəsinin Suriya və dünya məsələlərindəki mövqeyini izah etməyə çalışıb. Amerikalı həmkarı Barak Obama ilə konstruktiv dialoq qurduğunu buldirən Putin bununla belə Amerikanın başqa ölkələrin daxili işlərinə qarışmamalı olduğunu bildirib.
“Amerika Birləşmiş Ştatlarının xarici dövlətlərin daxili işlərinə hərbi müdaxiləsi adi hal alıb. Bəyəm bu Amerikanın uzunmüddətli maraqlarına xidmət edir? İnanmıram”. Vladimir Putinin Suriyada kimyəvi silahın tətbiq edilməsinin şübhə altında olmağını bildirsə də Əsəd hakimiyyətinin bunu etmədiyini bildirib.
“Heç kəs Suriyada zəhərləyici kimyəvi silahdan istifadə olunması faktını şübhə altına ala bilməz. Lakin bunun hökumət qoşunları yox, müxalifət tərəfindən təşkil olunmasına dəlalət edən faktlar var. Məqsəd öz havadarlarının hərbi müdaxiləsinə bəhanə verməkdir. Bir faktı da danmaq olmaz ki, müxalifətçilər bu dəfə İsrailə qarşı kimyəvi hücum hazırlayırlar”. Sonda Rusiya prezidenti ölkəsinin Suriyadakı kimyəvi silahın beynəlxalq nəzarətə verilməsi ilə bağlı təklifinin uğur qazanacağına və hərbi müdaxiləyə ehtiyac qalmayacağına ümid etdiyini bildirib.
Vüqar İsmayılov
