9 oktyabr seçkiləri finişə doğru istiqamətləndikcə, daha doğrusu, əm mühüm mərhələsinə-təbliğat-təşviqat kampaniyası dövrünə yaxınlaşdıqca yeni-yeni maraqlı məqamlar ortaya çıxır, prezidentliyə namizədliyi qeydə alınan şəxslərlə bağlı müxtəlif çeşidli gözlənilməz rəylər gündəmə gəlir. Hətta, uzun müddət bir-birini qəbul etməyən və ya məsafəli davranmağa üstünlük verən siyasilər tərəfindən bir-birinə, hətta, konkret namizədlərdən hansınasa jestlər edilir, sürpriz sayılacaq mövqelər sərgilənir. Bu baxımdan, təsadüfi deyil ki, iki dəfə (1992 və 1998-ci illərdə) prezidentliyə namizəd olmuş və hər iki seçkidə də sürprizlər etmiş akademik Nizami Süleymanovun builki seçkilərdə iddiasını ortaya qoyan şəxslərlə-namizədlərlə bağlı maraqlı fikirləri də artıq mətbuatın gündəmini məşğul etməkdədir.
