“Mərkəzi Seçki Komissiyası öz qərarını verib. Fuad Əliyevin də məhkəməyə müraciət etmək hüququ var”. Bunu Modern.az-a açıqlamasında MSK katibi Mikayıl Rəhimov deyib. O, Liberal-Demokrat Partiyasının sədri Fuad Əliyevin ittihamlarına cavab verərkən bildirib ki, F. Əliyev məhkəmə vasitəsilə məsələni aydınlaşdıra bilər.
F. Əliyevin MSK iclasına buraxılmaması ilə bağlı iddialara gəlincə, M. Rəhimov məsələyə belə aydınlıq gətirib. “Bu barədə məndə məlumat yoxdur. Bununla bağlı məhkəmədə iddia qaldıra bilər”.
Xatırladaq ki, ALDP sədri F. Əliyev MSK-ya təqdim etdiyi 44286 imzadan 8186-nın etibarsız sayılmasına etiraz edib. O, MSK-dan Apelyasiya şikayəti verib. Çünki MSK dünənki iclasında F. Əliyevin 40 minlik imza baryerini keçə bilmədiyi əsas gətirilərək, onun prezidentliyə namizədliyini qeydə almayıb.
Aqşin Kərimov
