Modern.az-ın xəbərinə görə Gürcüstan Maliyyə nazirliyi 2013-cü ilin avqustun 31-nə kimi Gürcüstanın xarici borclarının və dövlət təminatı ilə götürdükləri kreditlərin həcminin 4,169 milyard dolları keçdiyini bildirib. Bu rəqəm ilin əvvəlindən 187,2 milyon dollar azalıb. Ümumi borc məbləğindən 3,955 milyard dollar Gürcüstan hökümətinin payına düşür. Ölkə 17 dövlətlə 765 milyon dollar məbləğində kredit müqaviləsi imzalayıb. Gürcüstanın bu ölkələrdən Türkiyəyə 23,6 milyon dollar, Ermənistana isə 8,6 milyon dollar borcu var. Gürcüstanın Azərbaycana borcu isə 12,3 milyon dollar təşkil edir.
Vüqar İsmayılov
