Modern.az

Əjdər Ol şikayətini geri götürdü

Əjdər Ol şikayətini geri götürdü

6 Dekabr 2023, 12:48

Əmək və Əhalinin Sosial Müdafiəsi Nazirliyinin sabiq aparat rəhbəri, məhkum yazıçı Əjdər Cəbiyev (Əjdər Ol) apellyasiya qərarından verilmiş kassasiya şikayətini geri götürüb.

 

Modern.az-ın məlumatına görə, bu, Ali Məhkəmədə keçirilən iclasda elan edilib.

 

Prosesə sədrlik edən hakim Tahir Kazımov deyib ki, məhkum Cəbiyev məhkəməyə ərizə göndərib, vəkili tərəfindən verilmiş şikayətə baxılmamasını xahiş edib. 

 

Məhkəmə məhkumun prosessual hüququnu təmin edib. 

 

Qeyd edək ki, Əjdər Ol sabiq əmək və əhalinin sosial müdafiəsi naziri Səlim Müslümovun cinayət işi üzrə aparılan istintaqla həbs olunub. O, külli miqdarda mənimsəmədə və rüşvət almaqda təqsirli bilinərək 8 il 6 ay azadlıqdan məhrum edilib. Bakı Apellyasiya Məhkəməsi sonradan həbs müddətini 3 ay azaldıb.

 

Səlim Müslümov isə ibtidai istintaq dövründə ev dustaqlığına buraxılıb. Onun məhkəməsi 2 ildir davam edir.

Facebook
Dəqiq xəbəri bizdən alın!
Keçid et
Mövqelərimiz atəşə TUTULDU-4 hərbçi Ö*DÜ, 20-si yaralandı