Milli Məclisin Quba rayonundan seçilmiş deputatı Vahid Əhmədov yeni dərs ili öncəsi seçicilərinin yanında olub. Bu münasbətlə rayonda təşkil olunmuş tədbirlərə qatılan millət vəkili rayonun Qaraçay kəndində yeni inşa olunmuş məktəb binasının açılış mərasimində iştirak edib. Məktəbin müəllim kollektivini təbrik edən V.Əhmədov şagirdlərə yeni dərs ilində uğurlar arzulayib. Deputatın köməkçisi Arif Orucovun Modern.az-a bildirdiyinə görə, günün ikinci yarısında rayonun Rustov kəndində V.Əhmədovun birbaşa təşəbbüsü və Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyi tərəfindən maliyyələşdirilən uşaq bağçasının açılış mərasimi keçirilib. Tədbirdə iştirak edən kənd sakinləri bu tikiliyə görə deputata və bütün aidiyyatı təşkilat və şəxslərə öz minnətdarlığını bildiriblər. Deputat qeyd edib ki, artıq rayonun daha iki kəndində- Qonaqkənd qəsəbəsində uşaq bağçası, Zərqava kəndində isə tıbb məntəqəsi binalarının inşasına başlanılıb, çox qissa müddətdə istifadəsi nəzərdə tutulub.
Modern.az
