Seçkilər zamanı pozuntuların qarşısı alınması üçün seçkilərin keçirilməsinə mane olmaq istəyən pozucu qüvvələrə qarşı iş rejimi qüvvətləndirilib. Belə hallar yaşanarsa, həmin şəxslərlə bağlı məsələlərə baxılacaq.
Modern.az xəbər verir ki, bunu daxili işlər nazirinin müavini, polis general-leytenantı İsmət Əliyev Mərkəzi Seçki Komissiyasında dairə seçki komissiyalarının sədrləri üçün keçirilən müşavirədə deyib.
O bildirib ki, bununla bağlı Xüsusi İşçi Qrup yaradılıb:
"Qanunsuz saxlanılan silahların yığılması istiqamətində də lazımi tədbirlər davam etdirilir. DİN-in şəxsi heyəti bütünlükdə qarşıya qoyulan vəzifələri layiqincə yerinə yetirəcək”.
