Hindistan və Ermənistan arasında silah alışı bizim tərəfimizdən çox diqqətlə izlənilir.
Modern.az xəbər verir ki, bunu Xarici İşlər Nazirliyinin ilin yekunlarına dair mətbuat konfransında nazir Ceyhun Bayramov bildirib.
“Ancaq bizimlə danışıqlar zamanı Hindistanın rəsmi mövqeyi fərqlidir. Belə ki, onlar hər hansı silah satışını Azərbaycanın Pakistanla əlaqələri və Kəşmir məsələsi ilə bağlı olmadığını bildirirlər. Onlar sadəcə buna kommersiya məqsədli baxdıqlarını bildirirlər. Amma bizim mövqeyimiz budur ki, sülh müqaviləsi istiqamətində olan ölkəyə silahın satılması orada müxtəlif revanşist qüvvələri daha da həvəsləndirir”, - o qeyd edib.
