"Statistikaya görə, hər il 5 min nəfərə yaxın şəkərli diabet xəstəsi artır. Günü-gündən ölkəmizdə şəkərli məhsulların satış nöqtələri çoxalmaqdadır".
Modern.az xəbər verir ki, bunu Milli Məclisin Aqrar siyasət komitəsinin bu gün keçirilən iclasında deputat Emin Hacıyev deyib.
Deputat bildirib ki, şəkərli diabetlə mübarizənin başlanmasının vaxtı çatıb: "Bir neçə ölkədə istehsal olunan məhsullarda şəkərin miqdarı müvafiq qanunla tənzimlənir. Bunu araşdırmaq zamanıdır. Şəkər siqaretdən heç də zərərsiz deyil. Müqayisə etsək bəlkə də daha çox zərərlidir".
