Azərbaycanda keçiriləcək prezident seçkiləri ilə bağlı bu gündən Milli Məclisin mətbəsində bulletenlərin çap prosesinə start verilib. Trend-in məlumatına görə, bununla bağlı şənbə günü Mərkəzi Seçki Komissiyasının sədri Məzahir Pənahovun rəhbərliyi ilə mətbəyə baxış keçirilib.
M.Pənahov jurnalistlərə bildirib ki, ümumiyyətlə 5 milyon 149 min 255 ədəd buliten çap olunacaq. Çap olunmuş bulletenlər dairə seçki komissiyalarına sentyabrın 30-da təhfil veriləcək. Bulletenlərin çap olunma prosesinə nəzarət üçün beynəlxalq müşahidəçilər də dəvət olunub.
Ümumi çap prosesinə nəzarət Xüsusi Dövlət Mühafizə Xidməti tərəfindən aparılacaq.
Qeyd edək ki, prezident seçkisi oktyabrın 9-da keçiriləcək.
Modern.az
