Litva ölkəyə gələn Belarus vətəndaşlarına qarşı yoxlamaları gücləndirmək niyyətindədir.
Modern.az xəbər verir ki, bu barədə LRT məlumat yayıb.
Belə ki, Litva hökuməti Şengen vizası ilə ölkəyə daxil olan belaruslara qarşı yoxlamaların sərtləşdirilməsi təklifini təsdiqləyib. Qanun layihəsi parlament tərəfindən qəbul edilərsə, sərhədçilər belarusları daha hərtərəfli və ətraflı yoxlamalardan keçirə biləcəklər.
Bununla da Litva hökuməti belarusları Rusiya Federasiyasının vətəndaşları ilə bərabər səviyyəyə qoyub.
Bu prosedur onlar üçün 2023-cü ildən qüvvədədir və 2025-ci il mayın 2-dək uzadılıb.
