Azərbaycanda növbədənkənar prezident seçkiləri başa çatıb. İlkin nəticələr açıqlanmasa da, "exit-poll" təşkilatları apardıqları sorğunun nəticələrini elan edib. Bu nəticələrə görə, Prezident İlham Əliyev 93%-dən çox səs toplayıb.
Modern.az digər namizədlərin seçkilərlə bağlı təəssüratlarını öyrənib
Prezidentliyə namizədliyi özü tərəfindən irəli sürülən Fuad Əliyev əsas məsələnin MSK-nın elan etdiyi nəticələr olduğunu söyləyib:
"Mən "exit-poll"a o qədər də inanmıram. Əsas Mərkəzi Seçki Komissiyasının elan etdiyi nəticələrdir.
Bizim seçki qərargahımız fəaliyyət göstərirdi. Saat 6-ya qədər heç bir qayda pozuntusu qeydə alınmayıb. Aktivlik müşahidə olunub. Səs verdiyim seçki məntəqəsində də aktivlik olub".
Prezidentliyə namizəd, Milli Məclisin deputatı Razi Nurullayev: "Partiya nəticələr açıqlanandan sonra bəyanat verəcək. Ona qədər isə açıqlama olmayacaq. Anlayışınız üçün təşəkkür edirəm".
