Dini Qurumlarla İş üzrə Dövlət Komitəsinin sədri Mübariz Qurbanlı vəzifəsindən azad olunub.
Modern.az xəbər verir ki, Prezident İlham Əliyevin sərəncamı ilə Dini Qurumlarla İş üzrə Dövlət Komitəsinə yeni sədr təyin olunanadək həmin vəzifənin müvəqqəti icrası Komitə sədrinin birinci müavini Səyyad Salahlıya həvalə edilib.
Qeyd edək ki, Səyyad Salahlı 1995-2005-ci illərdə Milli Məclisinin deputatı olub.
2006-2010-cu illərdə Türkiyə Respublikasının İstanbul şəhərində Azərbaycan Respublikasının Baş konsulu işləyib.
2012- ci ildən hal-hazıradək Azərbaycan Respublikasının Dini Qurumlarla İş üzrə Dövlət Komitəsi sədrinin birinci müavini vəzifəsində çalışır.
