Qusar şəhər 4 nömrəli tam orta məktəbin 7-ci sinif şagirdi Naida Yarəhmədova Namiqovna vəfat edib. Məlumat məktəbin sosial media hesabında paylaşılıb. "Məktəbin VII "A" sinfində təhsil alan, müəllimlərin sevimli, çalışqan,tərbiyəli şagirdi Naida Yarəhmədova Namiqovna 17.02.2024-cü il tarixində dünyasını dəyişib", - məlumatda deyilir.
Sosial şəbəkələrdə məktəblinin qızılcadan öldüyü barədə iddialar yayılıb.
Modern.az məlumatı dəqiqləşdirmək üçün sözügedən məktəblə əlaqə saxlayıb.
Məkbətin direktoru Elmira Bayramova saytımıza açıqlamasında şagirdin qızılcadan vəfat etməsi xəbərinin yanlış məlumat olduğunu bildirib.
“Xeyr, qızılcadan vəfat etmiyib. Onda xərçəng xəstəliyi var idi, sümüyün iliyi xərçəngi. Şənbə günü Bakıda xəstəxanada vəfat edib, 17-si isə dəfn edilib”, - direktor qeyd edib.
