Astarada 60 yaşlı qadını ağır tonajlı yük avtomobili vurub.
DİN-in Mətbuat Xidmətinin Lənkəran regional qrupundan Modern.az-a verilən məlumata görə, fevralın 19-da saat 10 radələrində Astara rayonunun Ərçivan qəsəbəsi ərazisində Ramil Məmmədovun idarə etdiyi "DAF" markalı yük avtomobili 1964-cü il təvəllüdlü, Ərçivan qəsəbə sakini Xatun Hüseynovanı vurub. X.Hüseynova aldığı xəsarətlərdən ölüb.
Meyit aidiyyəti üzrə təhvil verilib.
Faktla bağlı Astara Rayon Polis Şöbəsində araşdırma aparılır.
