Soydaşımız Amil Səlimov Latviya Seyminə deputat seçilib.
Modern.az-ın məlumatına görə, o, Latviyada “Sabitlik!” siyasi partiyasının üzvüdür.
Latviya parlamentinə sonuncu seçkilər 2022-ci il oktyabrın 1-də keçirilib. Lakin A.Səlimovla eyni partiyadan olan deputat Qloriya Qrevtsovanın mandatı ləğv edildiyi üçün həmyerlimiz parlamentə düşə bilib.
Hər iki valideyni azərbaycanlı olan soydaşımız Amil Səlimov 1985-ci ildə anadan olub.
O, həmçinin Baltikyanı ölkələrdə yaşayan Azərbaycanlıların Koordinasiya Şurasının Latviya üzrə əlaqələndiricisi olub. Hazırda həmin vəzifədə Kamran Amanzadə fəaliyyət göstərir.
Könül Fətullayeva
