Modern.az

Geomaqnit sahəsi qeyri-sabit olacaq 

Geomaqnit sahəsi qeyri-sabit olacaq 

Aktual

26 Fevral 2024, 18:58

Elm və Təhsil Nazirliyi N.Tusi adına Şamaxı Astrofizika Rəsədxanası kosmik hava durumu və proqnozunu açıqlayıb.

 

Rəsədxanadan Modern.az-a bildirilib ki, Günəşin fəallığı artıb. Alışmalar nəticəsində tac kütlə atılmaları (TKA) qeydə alınıb. Günəşin səthində ləkələrin sayı artaraq 6 ləkə qrupunda 114 ləkə və tac dəlikləri müşahidə olunur. Günəş küləyinin maksimal sürəti 459 kilometr/saniyəyədək artıb.

 

Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə bir qədər yüksəlməsi ehtimalı var.

 

Günəş küləyinin sürətinin TKA və tac dəliklərindən çıxan yüksəksürətli zərrəciklər selinin təsiri ilə bir qədər artacağı gözlənilir.

 

Geomaqnit sahəsinin G1 (zəif qasırğa) səviyyəsinədək yüksəlmək ehtimalı var. Sonrakı günlərdə isə TKA və tac dəliklərindən çıxan yüksəksürətli zərrəciklər selinin təsiri ilə sakit, lakin qeyri-sabit səviyyələrdə olması proqnozlaşdırılır.

Twitter
Sizə yeni tvit var
Keçid et
Rusiya şokda-Ukrayna dağıdıcı raketlərlə hücuma keçdi