Lənkəranda yol-nəqliyyat hadisəsi baş verib.
Modern.az xəbər verir ki, hadisə Lənkəran-Lerik magistralında, Lənkəran rayonunun Darquba kəndi ərazisində qeydə alınıb.
1991-ci il təvəllüdlü Ağaddin Qasım oğlu Qasımovun idarə etdiyi "QAZel" markalı yük avtomobili, 1990-cı il təvəllüdlü İsmayıl Əvəzəli oğlu Əliyevin idarə etdiyi "Mercedes" markalı minik avtomobili və "VAZ-2106" markalı minik avtomobilləri toqquşub.
Qəza nəticəsində “VAZ-2106” minik avtomobili deformasiyaya uğrayıb və əraziyə FHN-nin xüsusi xilasetmə hissəsinin əməkdaşları cəlb olunub. “VAZ” avtomobilində sıxılıb qalan Lənkəran rayonunun Şağlaküçə kənd sakinləri 1990-cı il təvəllüdlü Ramin Əlabbas oğlu Şükürov və 1989-cu il təvəllüdlü Ağasif Fəzail oğlu İsmayılov çıxarılaraq aidiyyəti üzrə təhvil verilib. "QAZel" də sərnişin qismində olan Lerik rayonunun Hamarmeşə kənd sakini 1965-ci il təvəllüdlü Qasım Rüstəm oğlu Qasımov da xəsarət alaraq Lənkəran Rayon Mərkəzi Xəstəxanasına çatdırılıb.
Faktla bağlı araşdırma aparılır.
