Fevralın 16-da həbsdə müəmmalı şəkildə həyatını itirən rusiyalı müxalif siyasətçi Aleksey Navalnının ölümündən bir müddət əvvəl yazdığı yazı dərc edilib.

 

Modern.az Rusiya mətbuatına istinadən xəbər verir ki, yazını mərhum siyasətçinin komandası dərc edib.

 

Belə ki, Rusiyada prezident seçkilərində səsvermə başlamazdan bir gün əvvəl Navalnının tərəfdaşları Alekseyin Rusiya Federasiyasının prezident seçkilərində namizəd seçmək üçün qeyri-adi prinsipi təklif etdiyi mətni yayıb. Navalnı kvant fizikasından istifadə etməklə etiraz səsverməsindən bəhs edib.

 

“Mənə elə gəlir ki, heç kimi ayırmadan, bərabər şəkildə, Putin olmayan hər kəsə səs vermək ağıllı olardı”, - deyə Navalnı yazıb:

 

“Bu, başqa məsələlərlə yanaşı, bizə də uyğundur, çünki prinsipcə, bu, bütün namizədlərə və onların tərəfdarlarına uyğun olacaq. Yəni təsadüfi say prinsipi ilə səs vermək məntiqli olardı və burada Albert Eynşteyn, Nil Bor və Verner Heyzenberq öz qeyri-müəyyənliyi ilə Rusiya seçicilərinin köməyinə uçurlar”.

 

Navalnı namizəd seçmək üçün "Photon-2024" proqramından istifadə etməyi təklif edib. Proqram seçki məntəqəsində özünü necə aparacağını təsadüfi qaydada seçəcək: "Hesab edə bilərsiniz ki, seçimi sizin üçün Allah, təbiət, xaos, kosmos, şans və ya Morj ana etdi".