Azərbaycanın ekologiya və təbii sərvətlər naziri, BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyasının (COP29) sədri Muxtar Babayev Kopenhagendə (Danimarka) ətraf mühit nazirlərinin iclasında iqlim məsələləri üzrə dünya liderləri ilə görüşüb.
Modern.az xəbər verir ki, bu barədə COP29-un “X” sosial şəbəkə hesabında məlumat verilib.
Bildirilir ki, M.Babayev Danimarkanın inkişaf, əməkdaşlıq və qlobal iqlim siyasəti üzrə naziri Dan Yorgensen, Böyük Britaniyanın enerji təhlükəsizliyi və emissiyaların sıfır səviyyəsinə nail olunması strategiyası məsələləri üzrə naziri Qrem Stüart da daxil olmaqla qlobal iqlim məsələləri üzrə dünya liderləri ilə görüşüb.
Müzakirələr Milli Səviyyədə Müəyyən Edilmiş Töhfələr (NDC), iqlim maliyyələşdirilməsi, iqlim dəyişikliyinə uyğunlaşma, itkilər, zərərlər və iqlim dəyişikliyinin təsirlərinin azaldılmasına yönəldilib.
This week, @COP29_AZ President-Designate Muhtar Babayev met global climate leaders, including @DanJoergensen and @grahamstuart, at the #CopenhagenClimateMinisterial. Discussions focused on NDCs, climate finance, climate change adaptation, loss & damage and mitigation. pic.twitter.com/1nxldAJn7F
— COP29 AZ (@COP29_AZ) March 23, 2024
