Almaniyanın "Lufthansa" aviaşirkəti İranın paytaxtı Tehran şəhərinə və əks istiqamətdə uçuşları dayandırıb.
Modern.az xəbər verir ki, bu barədə aviaşirkətin mətbuat xidməti məlumat yayıb.
Bildirilib ki, uçuşlar təhlükəsizlik səbəbindən aprelin 11-dək təxirə salınıb, aprelin 11-də isə vəziyyət təkrar qiymətləndiriləcək.
Aviaşirkətin nümayəndəsi Yaxın Şərqdəki vəziyyəti mütəmadi izlədiklərini və rəsmi qurumlarla təmas saxladıqlarını əlavə edib.
