Mayın 15-də Bakıda Belarusun xarici işlər naziri Sergey Aleynik və Azərbaycanın xarici işlər naziri Ceyhun Bayramov arasında danışıqlar olub.
Modern.az xəbər verir ki, bu barədə BELTA-ya Belarus Xarici İşlər Nazirliyinin mətbuat xidmətindən məlumat verilib.
Qeyd olunub ki, tərəflər ikitərəfli və çoxtərəfli gündəliyin geniş spektrini müzakirə edərək, ticarət-iqtisadi, humanitar və parlamentlərarası əməkdaşlığın inkişafına xüsusi diqqət yetiriblər.
“Nazirlər ikitərəfli qarşılıqlı fəaliyyət üçün müqavilə-hüquq bazasının genişləndirilməsinin və yenilənməsinin vacibliyini qeyd ediblər, iki ölkə arasında münasibətlərin strateji xarakter daşıdığını və Minsk ilə Bakı arasında müxtəlif sahələrdə əlaqələrin daha da möhkəmləndirilməsində qarşılıqlı marağı vurğulayıblar”, - deyə məlumatda bildirilir.
