Mingəçevir Dövlət Universitetinin rektoru Şahin Bayramov vəzifəsindən azad edilib.
Belə ki, Şahin Bayramov Qarabağ Universitetinin rektoru təyin edilib. Bu barədə Prezident İlham Əliyev sərəncam imzalayıb.
Maraqlıdır, Mingəçevir Dövlət Universitetinin rektor əvəzi kimdir?
Modern.az-ın məlumatına görə, Mingəçevir Dövlət Universitetinin mətbuat xidmətindən AzEdu.az-a bildirilib ki, hazırda universitetə bu barədə heç bir məlumat daxil olunmayıb.
Qeyd edək ki, 31 iyul 2019-cu il tarixində Azərbaycan Respublikası Prezidentinin Sərəncamına əsasən Şahin Bayramov Mingəçevir Dövlət Universitetinin rektoru təyin edilib.
