Rusiyada köhnəlmiş 70 min liftin istismar müddəti uzadılacaq.
Modern.az "Meduza"ya istinadən xəbər verir ki, bir müddət əvvəl Qərb istehsalçılarının getməsi səbəbindən lift çatışmazlığı olmayacağı iddia edilirdi.
Liftlərin istismar müddətinin 5 il uzadılması nəzərdə tutulur. Bununla belə, liftin köhnəlməsi probleminin istismar müddətini təxirə salmaqla həll edilə bilməyəcəyi qeyd edilib. Bildirilib ki, bir sərnişin liftinin maksimum xidmət müddəti 25 ildir, lakin bəzi hissələr daha az istifadə edilə bilər. Eyni zamanda, Rusiyada 70 min liftin istismar müddəti 30 ilə qədər uzadılıb.
2023-cü ilin martında "Rostexnadzor" bəyan edib ki, Rusiyadakı bütün liftlərin 20%-i (təxminən 100 min) artıq maksimum xidmət müddətinə çatıb.
Rusiyanın Ukraynaya genişmiqyaslı işğalından qısa müddət sonra Qərbin əsas lift istehsalçıları Rusiyaya tədarükü dayandırıb. Sənaye və Ticarət Nazirliyi Rusiyada lift avadanlıqlarının çatışmazlığının ola biləcəyi ilə bağlı məlumatları təkzib edib. Qərb şirkətlərinin ölkəni tərk etməsi və mənzil tikintisinin ləngiməsi səbəbindən Rusiyada lift istehsalı aşağı düşür.
