“Komissiyalar müxtəlif problemlərin aradan qaldırılmasında partiyaya yardımçı olacaq”. Bunu Modern.az-a açıqlamasında Yeni Azərbaycan Partiyası icra katibinin müavini, deputat Səyavuş Novruzov bildirib. Onun sözlərinə görə, sahələr üzrə yaradılan komissiyalarda partiyanın Siyasi Şurasının üzvləri və ekspertlər təmsil olunacaq.
“Partiyanın tərkibində yaradılan komissiyalar sahələr üzrə yaradılıb və sahələr üzrə də cəmiyyətdə, həyatda əhalinin həyatında baş verən hadisələrlə, iqtisadiyyatla, siyasətlə və dövlət quruculuğu ilə bağlı hər bir komissiyanın tərkibində siyasi şuradan da üzvlər var. Onlar ekspertlərlə birlikdə bu sahəyə aid müxtəlif sənədlərin hazırlanmasında iştirak edirlər. Partiya cəmiyyəti narahat edən bütün sahələri komissiya vasitəsilə əhatə edəcək”.
