"Biz Ermənistandakı siyasi prosesləri bu ölkənin daxili işi hesab edirik".
Modern.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova həftəlik brifinqdə İrəvandakı etiraz aksiyalarını şərh edərkən bildirib.
“İrəvan və regionlardakı etirazçılara gəlincə, mühakimə edə bildiyimiz qədər, etirazçıların narazılığı, digər amillərlə yanaşı, onların fikrincə, bəzi anklav kəndlərinin sərhədlərinin müəyyənləşdirilməsinin tam ədalətli olmaması ilə bağlıdır", - Zaxarova belə deyib.
Qeyd edək ki, Ermənistandakı etirazların təşkilatçılarının Rusiya ilə əlaqələri barədə rəylər var.
