“Əsas iki istiqamətdə fəaliyət göstəririk. Birinci istiqamətimiz hərəkatın sədri İlqar Məmmədovun həbsi ilə bağlı işləri davam etdirməkdir. Onun azadlığa çıxması üçün bizdən asılı olan bütün məsələləri beynəlxalq təşkilatların diqqətinə çatdırırıq. Bütün bunlarla bağlı mətbuata açıqlamalar vermirik, çünki bu, gündəlik işimizdir”.
Bunu Modern.az-a açıqlamasında REAl Hərəkatı İdarə Heyətinin üzvü Natiq Cəfərli deyib. N.Cəfərli ikinci istiqamətin təşkilatın gücləndirilməsi ilə bağlı olduğunu bildirib: “İkinci istiqamət isə təşkilatlın genişləndirilməsi, başqa bir formata keçirilməsi, alt yapının hazırlanması ilə bağlıdır. Bu, çox ağır prosesdir. Biz alt yapını ciddi şəkildə hazırladıqdan sonra ictimaiyyətə bununla bağlı geniş məlumat verəcəyik. Yəqin ki, bu proses bir neçə ay davam edəcək. Hər iki istiqamətdə gündəlik ciddi iş gedir”.
